ԵՐԱԺԻՇՏՆԵՐԸ ՄԱՐՄԱՐՅԱ ՍՐԱՀՈՒՄ

Կրթահամալիրում կյանքը եռում է: Եթե ուզես ամեն տեղ լինել, ամեն ինչի մասնակիցը դառնալ, հաստատ չես հասցնի: Այդ ռիթմին միայն կիթահամալիրի տնօրենն է հարմարվում: Այդ օրն էլ` նոյեմբերի 6-ին,  մարմարյա սրահում հերթական արարողությունն էր` հանրապետության  նախադպրոցական հաստատությունների երաժշտության դաստիարակների վերապատրաստումների ամփոփումը: Սրահը լեփ-լեցուն չէր  (հասկանալի էր` դասի ժամ էր), բայց հանդիսավոր էր, տոնական: Երաժիշտ դաստիարակների հերթական խումբն էր ելույթ ունենում: Տիկին Մարինեն, ինչպես միշտ, տարերքի մեջ էր: Դաստիարակներն ասում են, որ նա ուզենա` ողջ աշխարհին հայկական պարեր կպարեցնի: Մեկն էլ կատակեց` իզուր Արագածի շուրջպարի կազմակերպումը նրան չեն հանձնարարաել:   Նախ ելույթ ունեցավ երգչախումբը: Մասնակիցներն այնքան լավ էին երգում, որ դպրոցի տարբեր անկյուններից մարդիկ այստեղ հավաքվեցին ու հմայված լսում էին:  Երգչախմբերի ելույթները մեզ համար են սովորական  դարձել, բայց իրականում դա երևույթ Հայաստանի Հանրապետությունում: Ցավոք սրտի մեր ոլորտի պատասխանատուներին դա առայժմ չի հուզում: Առայժմ…
Հետո երաժշտական խաղ խաղացինք: Խաղացինք, որովհետև սրահում չմասնակից չկար:  Դա նախակրթարանների ծրագրով սկսված երաժշտական նոր նախագծի մի պատառիկ էր, որ առաջին անգամ խաղում էին այստեղ: Կարծում ենք բոլորին դուր եկավ, նշանակում է` գործը պետք է շարունակել:
Հետո… Հետո պատառիկ Բարեկենդան ծեսից: Հետո` հյուրասիրություն, երգեր, պարեր, գրկախառնություններ…
Խմբի անդամները շատ ուզեցին ներկա լինել կրթահամալիրի 20-ամյակի տոնակատարությանը, մասնակցել Կոմիտասի և Հ. Թումանյանի 140-ամյակների հանդիսություններին, ելույթ ունենալ:
Նոյեմբերի 10-ից կրթահամալիրում կաշխատեն այս երաժիշտների հետ աշխատող դաստիարակները, (նրանք արդեն վերապատրաստվել են մեզ մոտ), որ իրենց խաղացած խաղը տեղերում միասին խաղան:
Իսկ հերթկան պաշտոնական վերապատրաստումը կսկսվի նոյեմբերի 16-ին:

Էջ 1 2 3 4 5 6 7 8

Պատ